საქართველოს ნაკრების მცველი, ოთო კაკაბაძე ირლანდიასთან მატჩით კმაყოფილია, თუმცა აღნიშნა, რომ მიუხედავად კარგი თამაშისა შეცდომებიც მრავლად იყო. მისი თქმით გუნდს დასაკარგი არაფერი აქვს და ავსტრიასთანაც ისევე მოსაგებად გავლენ მოედანზე, როგორც დღეს ირლანდიასთან.
"პირველ რიგში ვიტყვი, რომ კარგად ვითამაშეთ, განსაკუთრებით პირველი ტაიმი. ის ბურთი რაც გავუშვით, არ იყო გასაშვები, მაგრამ შეცდომები ყოველთვის არის, რადგან ეს ფეხბურთია. ალბათ დაგვაკლდა მეტი სიხისტე და აქტიურობა. ვერ ვიტყვი, რომ რამე დავაკელით, თუმცა მოგება გვინდოდა და ეს თამაშსაც დაეტყო.
ყველამ კარგად ვიცით რომ სამუშაო ბევრი გვაქვს, როგორც წინ, ისევე უკან.
რაც შეეხება ჩემს თამაშს, ვერ ვიტყვი რომ კარგად ვითამაშე, თუმცა ნორმალურად. ვეცდები, რომ გავაუმჯობესო.
ავსტრიასთან, ისევე, როგორც ირლანდიასთან - მოედანზე მოსაგებად გავალთ. დასაკარგი არაფერი გვაქვს”, - თქვა კაკაბაძემ.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
ნაკრებში საშინელი დებიუტის შემდეგ, როდესაც ფაქტიურად მარტო წააგო თამაში, აშკარად უკეთესი იყო გუშინ, განსაკუთრებით შეტევითი პოტენციალი გააძლიერა, დაცვის მხრივ სამუშაო აქვს, ჰქონდა გუშინაც ერთი ორი მცირე შეცდომა, თუმცა ეტყობა რომ ვაჟკაცი ბიჭია და კრიტიკა და წნეხი არ აშინებს. უნდა ვენდოთ და კარგი ფეხბურთელი დადგება. გუშინ შეტევაში ერთერთი საუკეთესო იყო, გაბედულად მოქმედებდა.
ტაბლო დაგვანახეთ !
AUS 0:2 GEO
გელოდებით !