საქართველოს ეროვნული ნაკრები ირლანდიასთან მატჩისთვის მზადების დასკვნით ფაზაშია. “ჯვაროსნებმა” საფეხბურთო კლუბ “ზესტაფონის” ბაზაზე ივარჯიშეს, რომელშიც მონაწილეობა 24 ფეხბურთელმა მიიღო.

ვლადიმირ ვაისისა და გია გეგუჩაძის ურთიერთშეთანხმების საფუძველზე ჯიმი ტაბიძე 21-წლამდელთა ნაკრებს შეუერთდა. იგი პოლონეთთან ახალგაზრდულ ნაკრებს დაეხმარება, ხოლო შემდეგ ისევ ეროვნულ გუნდს დაუბრუნდება.

საქართველოს ნაკრები ირლანდიასთან შეხვედრამდე ბოლო ვარჯიშს 1 სექტემბერს, “დინამო არენაზე” ჩაატარებს. რაც შეეხება უშუალოდ მატჩს, იგი 2 სექტემბერს, 20:00 საათზე დაიწყება.