იტალიური “რომას” ერთ-ერთმა ლიდერმა რაჯა ნაინგოლანმა მოულოდნელი გადაწყვეტილება მიიღო და სანაკრებო კარიერა დაასრულა. როგორც 29 წლის ფეხბურთელმა განაცხადა, ამიერიდან ბელგიის ეროვნულ ნაკრებში აღარ ითამაშებს.

“გასულ სეზონში “რომას” რიგებში 53 თამაში ჩავატარე. კარგი სეზონი მქონდა, ვცდილობ ყოველთვის გავაუმჯობესო ჩემი თამაში, მაგრამ როგორც ჩანს, ეს არ კმარა და კიდევ არის რაღაც.

29 წლის ვარ, ამიტომ წინ წასვლას ამ კუთხით არ ვაპირებ – ვწუხვარ, მაგრამ ასეა. იძულებული ვიყავი ასეთი გადაწყვეტილება მიმეღო. დღეიდან ბელგიის ნაკრებს ვტოვებ მხოლოდ “რომას” განკარგულებაში” ვარ”, - აღნიშნა რაჯამ.

ნაინგოლანის ასეთი ნაბიჯი იმითაა გამოწვეული, რომ ბელგიის ნაკრების მთავარმა მწვრთნელმა რობერტო მარტინესმა მას მოახლოებული სანაკრებო მატჩებისთვის გუნდში არ უხმო. როგორც “წითელი ეშმაკების” თავკაცმა ახსნა, ნაინგოლანი ფორმაში არ იმყოფება...

რაჯა ნაინგოლანს ბელგიის ნაკრებში დებიუტი 2009 წელს ჰქონდა. იქედან მოყოლებული მან ბელგიელთა ღირსება 28 მატჩში დაიცვა და 6 გოლი გაიტანა.