მადრიდის “რეალის” პორტუგალიელი ფორვარდი კრიშტიანუ რონალდუ კლუბს ცენტრალური მცველის პოზიციაზე “პარი სენ ჟერმენის” ბრაზილიელი ფეხბურთელის მარკინიოსის ყიდვას ურჩევს. ამის თაობაზე რონალდუმ უკვე მიმართა “სამეფო კლუბის” პრეზიდენტს ფლორენტინო პერესს.

მარკინიოსს პსჟ-სთან კონტრაქტი 2019 წლამდე აკავშირებს.

22 წლის ფეხბურთელით “ბარსელონა”, “მანჩესტერ სიტი” და მანჩესტერ “იუნაიტედიც” ინტერესდებიან.

შეგახსენებთ, რომ გასულ სეზონს ყველა ტურნირის გათვალისწინებით, ბრაზილიელმა 44 მატჩი ჩაატარა და 4 გოლიც გაიტანა.