ლა ლიგის პირველი ტურის დასკვნით სათამაშო დღეს ორი შეხვედრა გაიმართა. ელიტაში დაბრუნებულმა “ლევანტემ” შინ თანარეგიონელი “ვილიარეალი” მიიღო და 3 ქულის მოპოვება მოახერხა.

“ვილიარეალმა” ძალიან სუსტი შეხვედრა ჩაატარა და 90 წუთის განმალობაში მასპინძელთა კიპერი რაულ ფერნანდესი მხოლოდ ერთხელ შეაწუხა. მოსაგებად უფრო “ლევანტე” თამაშობდა და ეს განსაკუთრებით მეორე ტაიმზე ითქმის, როდესაც “ბაყაყებმა” მეტოქე ბურთის ფლობის გარდა, ყველა სათამაშო კომპონენტში დაჯაბნეს. შეხვედრა თითქოს ფრედ უნდა დასრულებულიყო, მაგრამ 87-ე წუთზე ხოსე მორალესმა, რომელიც მთელი მატჩის განმალობაში ძალიან აქტიური იყო და სტუმრებს ბევრი პრობლემა შეექმნა, ანტონიო რუკავინასთან ჭიდილში პენალტი მოიპოვა, თავადვე შეასრულა ზუსტად და საკუთარ გუნდს 3 ქულა მოუპოვა – 1:0.

“მალაგა” “ლა როსალედაზე” “ეიბარს” დაუხვდა და მინიმალური სხვაობით დამარცხდა. ერთადერთი გოლი 57-ე წუთზე ჩარლესმა გაიტანა, რომელიც ბასკურ კლუბში ამ ზაფხულს სწორედ “მალაგადან” გადავიდა და სადებიუტო მატჩშივე ყოფილ კლუბს გამარჯვების მომტანი გოლი გაუტანა – 0:1.

ლევანტე – ვილიარეალი 1:0 (0:0)

ვალენსია, “სიუდად დე ვალენსია”

ლევანტე (4-3-3): რ.ფერნანდესი, ჩემა, პოსტიგო, ი.ლოპესი, ტონიო, ბარდი (დაკური 70), კამპანა (ე.ბოატენგი 85), ლერმა, მორალესი, ჟასონი, ალეგრია (ივი 77).
მწვრთნელი: ხუან მუნიოსი

ვილიარეალი (4-4-2): ა.ფერნანდესი, რუისი, ალვარო, რუკავინა, კოსტა, ტრიგეროსი (რომერა 89), რ.ერნანდესი, სანსონე (ლ.სუარესი 62), ფორნალსი, ბაკა (ნ’დიაიე 80), უნალი.
მწვრთნელი: ფრან ესკრიბა

გოლი: მორალესი (88 პენ.)
გაფრთხილებები: ლერმა – ტრიგეროსი, რუისი, რუკავინა
მსაჯი: ალვარეზ იზკუერდო

მალაგა – ეიბარი 0:1 (0:0)

მალაგა, “ლა როსალედა”

მალაგა (3-4-2-1): რ.ხიმენესი, დ.გონსალესი (ხონი 60), რ.ერნანდესი, ბაისე, რესიო (ენ ნესირი 83), კუზმანოვიჩი, როსალესი, ხ.კარლოსი, ხუანპი (ონტივეროსი 65), ადრიანი, ბასტონი.
მწვრთნელი: მიჩელი

ეიბარი (4-4-2): დმიტროვიჩი, რამისი, ოლივეირა, კაპა, ანხელი, დ.გარსია, ხორდანი, ინუი, პენია (ენრიჩი 77), ჩარლესი (ალეხო 66), კიკე (რივერა 86).
მწვრთნელი: ხოსე ლუის მენდილიბარი

გოლი: ჩარლესი (57)
გაფრთხილებები: დ.გონსალესი, ხონი – ჩარლესი, კიკე, ალეხო
მსაჯი: დავიდე მედიე ხიმენესი