ლიონელ მესი “ბარსელონას” ახალ კონტრაქტზე შეუთანხმდა, აღნიშნულ ინფორმაციას Sky Sports-ი ავრცელებს. წყაროს ცნობით, ხელშეკრულებას მხარეები რამდენიმე დღეში ოფიციალურად გააფორმებენ. არგენტინელი კატალონიელებთან კონტრაქტს 2021 წლამდე გაახანგრძლივებს.

გუშინ ევროპულ მედიაში გაჩნდა ინფორმაცია, რომ მესის გადაბირებას “მანჩესტერ სიტი” აპირებდა, მაგრამ როგორც ჩანს ლიონელის “ბარსადან” წასვლა არარეალურია.

მესი “ბარსელონას” ძირითად გუნდში 2004 წლიდან თამაშობს და ლა ლიგაში ჩატარებულ 383 შეხვედრაში 349 გოლი გაიტანა.