“მილუოკის” ფორვარდი იანის ადეტოკუმბო საბერძნეთის ნაკრებს მოახლოებულ ევრობასკეტზე ვერ დაეხმარება. 22 წლის კალათბურთელს მუხლის ტრავმა აწუხებს და ამის შესახებ, სოციალური ქსელის Facebook-ის საკუთარ გვერდზე დაწერა.

იანისის თქმით, მისთვის ეს ამბავი კარიერაში ყველაზე დიდი იმედგაცრუებაა და ყველაფერს აკეთებდა, რომ ევრობასკეტზე საბერძნეთის ნაკრების მაისურით ეთამაშა, თუმცა მტკივანმა მუხლმა ამის გაკეთების საშუალება არ მისცა. მან “მილუოკის” მიერ ჩინეთში გაგზავნილი საექიმო შტაბის ჩატარებული ტესტები ჩააგდო და ევროპის ჩემპიონატზე თამაშს ვეღარ მოახერხებს.

შეგახსენებთ, რომ საბერძნეთის ნაკრები ევრობასკეტზე A ჯგუფში ითამაშებს და მისი მეტოქეები საფრანგეთი, ფინეთი, სლოვენია, პოლონეთი და ისლანდია იქნებიან.