უიმბლდონის ჩემპიონი ესპანელი გარბინიე მუგურუსა ბლანკო ცინცინატის მასტერსის 1/4-ფინალში გავიდა.

მუგურუსამ 1/8-ფინალში დაძაბულ ბრძოლაში მსოფლიო რეიტინგის მე-17 ნომერ მედისონს ქიზს 6:4, 3:6, 7:6 აჯობა. გადამწყვეტ, მესამე სეტში ქიზი 6:5-ს იგებდა და მატჩზე აწვდიდა, ესპანელმა სამი მატჩ-პოინტი გადაარჩინა და სეტი ტაი-ბრეიკამდე მიიყვანა, სადაც 7:3 იმარჯვა.

მეოთხედფინალში მუგურუსა რუს სვეტლანა კუზნეცოვას დაუპირისპირდება, მატჩი 18 აგვისტოს თბილისის დროით 19:00 საათზეა ჩანიშნული.