ფილიპე კოუტინიო “ლივერპულს” უეფას ჩემპიონთა ლიგის პლეი-ოფის პირველ შეხვედრაში “ჰოფენჰაიმის” წინააღმდეგ ვერ დაეხმარება. მეტიც, ბრაზილიელი ფეხბურთელი გუნდს გერმანიაში საერთოდ არ გაჰყოლია.

Sky Sport-ის ინფორმაციით, ამის მიზეზი ისაა, რომ უახლოეს დღეებში კოუტინიო “ბარსელონას” ფეხბურთელი ოფიციალურად გახდება. აქვე გეტყვით, რომ უეფა ერთ სეზონში ევროტურნირებზე ორი სხვა და სხვა გუნდის რიგებში თამაშს ფეხბურთელებს უკრძალავს.

შეგახსენებთ, რომ გუშინ, “ლივერპულის” ოფიციალური მაღაზიიდან 25 წლის შემტევის ბილბორდიც ჩამოხსნეს. ფილიპე კოუტინიო “ლივერპულის” რიგებში 2013 წლიდან მოყოლებული თამაშობს და “ბარსელონა” მის სანაცვლოდ 100 მილიონ ევროს იხდის.