ბრაზილიის ეროვნული ნაკრების ნახევარმცველი პაულიონიო კარიერას “ბარსელონაში” გააგრძელებს. კატალონიელებმა ფეხბურთელთან და მის აწ უკვე ყოფილ კლუბთან “გუანჯოუ ევერგრანდთან” შეთანხმების შესახებ ოფიციალურად გამოაცხადეს.

ტრანსფერის ღირებულებამ 40 მილიონი ევრო შეადგინა. 29 წლის ფეხბურთელი “ბარსელონაში” სამედიცინო შემოწმებას ოთხშაბათს გაივლის და კატალონიელებთან 4-წლიანი კონტრაქტს მოაწერს ხელს, რომელშიც მის გამოსასყიდ თანხად 120 მილიონი ევრო იქნება მითითებული.

მიმდინარე სეზონში პაულინიომ ჩინეთის სუპერლიგის 20 მატჩში მიიღო მონაწილეობა, 7 გოლი გაიტანა და 2 საგოლე გადაცემა შეასრულა.