თბილისის "დინამოში", შესაძლოა, ირანელმა პაიამ სადეღიანმა ითამაშოს. სადეღიანი 25 წლისაა, მან 5 მატჩი ჩაატარა ირანის ეროვნულ ნაკრებში და ერთი გოლი გაიტანა (ქუვეითთან), მანამდე კი ასაკობრივ ნაკრებებში გამოდიოდა.
სადეღიანი თბილისშია, თავისუფალი აგენტი გახლავთ და კლუბი მალე მიიღებს მის დარჩენა-წასვლაზე გადაწყვეტილებას. ირანელის შესახებ ინფორმაციას კლუბის საიტი ავრცელებს.
ტექნიკური ფეხბურთელია. "დინამოდან" ამ ზაფხულს წასული ფეხბურთელებიდან, სათამაშო მანერით, საბა ლობჟანიძეს წააგავს.
