იტალიურმა “რომამ” და რაჯა ნაინგოლანმა თანამშრომლობა განაახლეს. როგორც “ჯალოროსის” ვებგვერდი ოფიციალურად იტყობინება, ბელგიელი ფეხბურთელი კლუბში 2021 წლის 30 ივნისამდე დარჩება.

“დადასტურდა ის, რაც ყოველთვის მსურდა. ბედნიერი ვარ, რომ ჩემი კარიერა “რომაში” გაგრძელდება”, - განაცხადა ნაინგოლანმა.

29 წლის ფეხბურთელი “რომაში” 2014 წლის იანვარში გადავიდა და მას შემდგომ გუნდის ერთ-ერთი ლიდერია. მანამდე ნაინგოლანი “კალიარისა” და “პიაჩენცას” ღირსებას იცავდა.

გასულ სეზონში ბელგიელმა იტალიის ჩემპიონატში ჩატარებულ 37 შეხვედრაში 11 გოლის გატანა მოახერხა.