გერმანიის ნაკრების მცველი ანტონიო რუდიგერი კარიერას ლონდონის “ჩელსიში” გააგრძელებს. ამის შესახებ ინგლისის ჩემპიონის ვებგვერდი ოფიციალურად იტყობინება. 24 წლის ფეხბურთელმა სამედიცინო შემოწმება წარმატებით გაიარა და 5 წლიანი კონტრაქტი უკვე გააფორმა.
რუდიგერის ყოფილმა კლუბმა, “რომამ” 39 მილიონი ევრო მიიღო, ხოლო თავად ფეხბურთელს სეზონში 4 მილიონი ექნება ხელფასი. გერმანელი “არისტოკრატებში” 2 ნომრიანი მაისურით ითამაშებს.
ანტონიო რუდიგერი “რომაში” 2015 წლიდან თამაშობდა, ხოლო მანამდე “შტუტგარტის” ფეხბურთელი იყო. ცოტა ხნის წინ კი, გერმანიის ნაკრების რიგებში ფიფას კონფედერაციათა თასი მოიგო.
