30 წლის ფორვარდი რუდი გეი თავისუფალი აგენტის სტატუსით “სან ანტონიოში” გადავიდა, აღნიშნულ ინფორმაციას ტეხასელთა ოფიციალური ვებგვერდი ავრცელებს. წყაროს ცნობით, რუდიმ კლუბთან 2-წლიანი კონტრაქტი გააფორმა, რაშიც 17მილიონ ამერიკულ დოლარს მიიღებს.

რუდი გეი 2013-17 წლებში “საკრამენტოს” ღირსებას იცავდა. “საკრამენტომ” კალათბურთელს კონტრაქტის გახანგრძლივება ერთი წლით შესთავაზა, რაშიც 14.2 მილიონს იხდიდა, თუმცა რუდიმ აღნიშნული შეთავაზება იუარა.

გეი განვლილ სეზონში 18,7 ქულასა და 6,3 მოხსნას აგროვებდა.