ეროვნული ლიგის ლიდერი თბილისის “დინამო” დღეიდან 13 ივლისის ჩათვლით მოსამზადებელ შეკრებას სლოვენიაში გაივლის. კლუბის ოფიციალური ვებგვერდის ცნობით, თბილისელები მორავსკე ტოპლიცეში დაბინავდებიან. კახა კაჭარავას გუნდი შეკრებაზე სამ ამხანაგურ მატჩსაც ჩაატარებს:

4 ივლისს “დინამო” სერბულ “ჩუკარიჩკის” დაუპირისპირდება, 8 ივლისს ხორვატული “რუდეში” იქნება ქართული გუნდის მეტოქე, ხოლო 12 ივლისს უკრაინული “ზორია”.