23 ივნისს, პოლონეთის ქალაქმა კროტოსუნმა უმასპინძლა ევროპის თასის გათამაშებას სუმოისტთა შორის. შეჯიბრებაში მონაწილეობა მიიღეს უფროსი ასაკის სუმოისტებმა. საქართველოს ნაკრებმა პოლონეთში 4 სპორტსმენით იასპარეზა და 2 მედალი მოიპოვა. აბსოლუტურ წონით კატეგორიაში ქართული ფინალი შედგა - გიორგი მეშვილდიშვილმა ზურაბ აქუბარდია დაამარცხა.

ამრიგად, საქართველოს ნაკრებმა ოქროს და ვერცხლის მედალი დაისკუთრა. შეგახსენებთ, წლეულს აპრილის მიწურულს თბილისმა ევროპის ჩემპიონატს უმასპინძლა, სადაც ქართველი სუმოისტები წარმატებით გამოვიდნენ და სამივე ასაკობრივ კატეგორიაში 16 მედალი მოიპოვეს.

საქართველოს სპორტისა და ახალგაზრდობის საქმეთა სამინისტროს პრესსამსახური