ფეხბურთი

13:27 | 22.06.2017 | ნანახია [] - ჯერ

"პარმას" დიდი მიზნები

იტალიური „პარმა“ ძველი დიდების დაბრუნებისკენ ისწრაფვის - როგორც ემილიური გუნდის ვებგვერდი იტყობინება, ამიერიდან კლუბის აქციათა უმეტესი ნაწილი, კერძოდ 60% ჩინური კომპანიის, Desport-ისა და მისი მეპატრონის იანგ ლი ჟანგის მფლობელობაში იქნება. როგორც ცნობილი ხდება, „პარმა“ უკვე მიმდინარე ზაფხულს აპირებს შემადგენლობის ისე გაძლიერებას, რომ სერია A-ს საგზურის მოსაპოვებლად იბრძოლოს.

უკვე გაიჟღერა ვეტერანი ანტონიო კასანოს გვარმაც, რომელიც ამჟამად უგუნდოდაა და თან, „პარმასთან“ დასამახსოვრებელი წლები აკავშირებს. თუმცა, ეს ჩინელების აქტივში ნაკლებად უნდა შევიტანოთ, რადგან კასანოს დამატება უფასოდაა შესაძლებელი, აზიელები კი, ტრანსფერებში ფულის დახარჯვასაც გეგმავენ.

აღსანიშნავია, რომ კლუბს 1 ივლიდან ახალი ვიცე-პრეზიდენტიც ეყოლება - ლეგენდარული არგენტინელი ფორვარდი ერნან კრესპო, რომელსაც „პარმაში“, როგორც ფეხბურთელს ჩინებული წლები აქვს გატარებული.

აქვე შეგახსენებთ, რომ რამდენიმე დღის წინ „პარმა“ სერია B-ში აღზევდა და შესაბამისად, იტალიის მთავარ ლიგას ერთადერთი საფეხური აშორებს.

0.10732