ყოფილი ფრანგი ფეხბურთელი ერიკ აბიდალი კატალონიის "ბარსელონას" ელჩი გახდა. აღნიშნული ინფორმაცია ესპანური გრანდის ოფიციალურმა ვებგვერდმა გაავრცელა. "ბლაუგრანას" ყოფილი მცველი სხვადასხვა ღონისძიებებზე კლუბის წარმომადგენელი იქნება.

აბიდალი "ბარსელონაში" 6 სეზონი თამაშობდა და 2013 წელს "მონაკოში" გადავიდა. ესპანური კლუბის მაისურით ფრანგმა 193 მატჩი ჩაატარა და თავი ორი გატანილი გოლით გამოიჩინა.