პორტუგალიური Abola წერს, რომ საქართველოს ნაკრების მეკარით გიორგი მაკარიძით ლისაბონის "ბენფიკაა" დაინტერსებული. არ დავიწყებთ იმაზე წერას, თუ რამხელა სხვაობაა "მორეირენსესა" და "ბენფიკას" შორის. ეს ტრანსფერი თუ განხორციელდა, ბოლო წლების ყველაზე ხმაურიან ქართულ ტრანსფერადაც მოინათლება.

"მაკარიძემ პოზიტიური შთაბეჭდილება დატოვა პორტუგალიაში. მან შთამბეჭდავი სეზონი ჩაატარა "მორეირენსეში" და წესით, დიდი ნახტომი უნდა გააკეთოს კარიერაში" - წერს Abola.

"ბენფიკას" პირველი მეკარე გახლდათ ედერსონ მორეირა, რომელიც "მანჩესტერ სიტიში" გააგრძელებს კარიერას. სამაგიეროდ, დარჩა ცნობილი ჟულიო სეზარი - 37 წლის, ბრაზილიის ნაკრებისა და "ინტერის" ყოფილი გოლკიპერი. ჟულიო სეზარმა შარშან მხოლოდ 8 მატჩი ჩაატარა პორტუგალიის ჩემპიონატში.