დიდი ვნებათაღელვა იყო სარაევოში, სადაც ბოსნიის ნაკრებმა საბერძნეთთან ითამაშა. მართალია, მატჩი სათამაშო სცენარის მიხედვით მეტად უინტერესო გამოდგა და გოლი არც გასულა, მაგრამ აი, ფეხბურთელებს შორის კი გაიმართა ნამდვილი მუშტი-კრივი.

მთავარ როლებში კი, თანაკლუბელები იტალიური “რომადან”, ედინ ჯეკო და კოსტას მანოლასი იყვნენ. მათ მიერ დაწყებული ჩხუბი კი, შემდეგ სხვებმაც გააგრძელეს და მოკლედ, მინდორზე ისეთი ამბები დატრიალდა, უფრო რინგს მოგვაგონებდა, ვიდრე საფეხბურთო მოედანს.

თამაშის შემდეგ ჯეკოს მომხდარზე კომენტარი არ გაუკეთებია, ხოლო მანოლასმა კი, ისაუბრა:

“ზოგიერთი რამ არ უნდა ხდებოდეს. ეს იყო სირცხვილი! ისინი ჩვენს ჰიმნს პატივს აე სცემდნენ, ეს კი ფეხბურთი არაა”, - თქვა მანოლასმა.

აღსანიშნავია, რომ ამ გუნდთა პირველი შეხვედრა, რომელიც ათენში ჩატარდა, ასევე არ დასრულებულაინციდენტის გარეშე. მაშინაც მოვლენების ეპიცენტრში ედინ ჯეკო იყო, რომელმაც სოკრატის პაპასტატოპულოსს ტრუსი ჩააძრო და შესაბამისად, წითელი ბარათიც სამართლიანად მიიღო.

ბოსნია და საბერძნეთი შესარჩევი ციკლის H ჯგუფში მეორე-მესამე ადგილებს იკავებენ, ხოლო ლიდერი ბელგიის ნაკრებია.