“როლან გაროსის” ნახევარფინალში შვეიცარიელი ტიმეა ბაჩინსკი 19 წლის ელენა ოსტაპენკოს შეხვდება. ოსტაპენკო 2007 წლის (ანა ივანოვიჩი) შემდეგ გახდა ყველაზე ახალგაზრდა ჩოგბურთელი, რომელმაც ამ ტურნირის ნახევარფინალში გააღწია.

1/4-ფინალში ბაჩინკსიმ კრისტინა მლადენოვიჩი 6:4, 6:4 დაამარცხა, ხოლო ოსტაპენკომ კაროლინა ვოზნიაცკის 4:6, 6:2, 6:2 აჯობა.

ბაჩინსკი-ოსტაპენკოს შეხვედრა 8 ივნისს, თბილისის დროით 17:00 საათზეა ჩანიშნული.

“როლან გაროსის” მთლიანი საპრიზო ფონდი 36 მილიონ ევროს შეადგენს.