ქართველი ჩოგბურთელი სოფო შაფათავა ბელარუსის დედაქალაქ მინსკში მიმდინარე საერთაშორისო ტურნირზე (საპრიზო ფონდი 25 ათასი დოლარი) პირველ ნომრად იყო განთესილი, თუმცა, საწყის რაუნდშივე დამარცხდა.

შაფათავა ბელარუს სვიატლანა პირაჟენკას დაუპირისპირდა და 4:6, 3:6 წააგო. სამაგიეროდ, სოფომ წარმატებული სტარტი აიღო წყვილთა შეჯიბრში, სადაც რუს ოლგა დოროშინასთან ერთად მე-3 რეიტინგი გააჩნია.

შაფათავამ და მისმა მეწყვილემ უკრაინელებს – ელიზავეტა და ოლგა იანჩუკებს 6:4, 6:1 სძლიეს და მეოთხედფინალში რუსებს – შაულსკაიას და სმაგინას გაეჯიბრებიან.