სარეკლამო ადგილი - 12
X x X
ფეხბურთი

12:45 | 5.06.2017 | ნანახია 5480 - ჯერ

ფინალის შიში

დრო გადის, ტურინის „იუვენტუსისთვის“ კი ევროპულ არენაზე არაფერი იცვლება - თითქოს, ყველაფერი ერთ ადგილზე ტრიალებს. ბოლოს „ბებერმა ქალბატონმა“ ჩემპიონთა ლიგა 21 წლის წინ მოიგო. მაშინ, ვერავინ წარმოიდგენდა, რომ იტალიის გამორჩეულ კლუბს შემდეგი წარმატებისთვის ლოდინი ასე გაუგრძელდებოდა. არადა, „იუვემ“ იმის მერე, ხუთჯერ მოიპოვა გადამწყვეტ მატჩში თამაშის უფლება.

მადრიდის „რეალთან“ თამაში რომ რთული იქნებოდა, ცხადზე ცხადი იყო, მაგრამ „იუვენტუსი“ ფინალამდე წაუგებლად მივიდა და თან, სულ რაღაც სამი გოლი გაუშვა. ამიტომაც, ბევრი ფიქრობდა, რომ ბოლოს და ბოლოს, ტურინელთათვის ნანატრი წუთებიც დადგებოდა. შეხვედრასაც კარგი დასაწყისი ჰქონდა - სამი საგოლე მომენტი და მოედნიდან გამქრალი „რეალი“, მაგრამ...

ერთი გუნდი და ორი ტაიმი

საერთოდ, აწ უკვე დასრულებულ სეზონში „იუვენტუსის“ თამაშებში ხშირად ვნახავდით ასეთ სურათს: უმაღლეს დონეზე ჩატარებული პირველი ტაიმი და ჩაგდებული მეორე ნახევარი. თუმცა ეს ძირითადად მაშინ ხდებოდა, როცა „იუვე“ ანტრაქტზე დაწინაურებული გადიოდა და მეტწილად, ორბურთიანი უპირატესობით. ამჯერადაც, მაქს ალეგრის გუნდმა პირველ ტაიმში მეტოქეს არაფერი დაუთმო. მობილური იყო ნახევარდაცვა და ფლანგები. შემტევებამდეც არ ჭირდა ბურთის მიტანა. მაშინ, როცა, „რეალს“ შეტევაში ღირებული არაფერი გაუკეთებია გარდა ერთი კონტრშეტევისა, რომელიც გოლით დასრულდა. და მაინც, კრიშტიანუ რონალდუს ეპიზოდში ცხადად გამოჩნდა ერთი რამ: როგორც კი, „სამეფო კლუბმა“ თავისი თამაში იპოვა, შეუტია, მაშინვე გოლი გაიტანა - იტალიელთა დაცვა აბსოლუტურად არ იყო მზად საპირისპირო იარაღი გამოეყენებინა მეტოქესთან მიმართებაში. მეორე ტაიმი კი, „იუვეს“ ფეხბურთი არ უთამაშია. მეტიც, მოედანზე არც გასულა - ასეთი უსუსური ტურინის „იუვენტუსი“ ალბათ არავის ახსოვს - გუნდი გატყდა მენტალურადაც და შედეგიც სახეზეა - მორიგი მარცხი ფინალში!

მიზეზი

უპირველესი მიზეზი ალბათ, ნახევარდაცვაში უნდა ვეძებოთ. მირალემ პიანიჩმა და სამი ხედირამ პირველ ნახევარში ასე თუ ისე შეძლეს თავიანთი თამაშის პოვნა და „სამეფო კლუბელ“ ოპონენტებისთვის წინააღმდეგობის გაწევა. აი, მეორე 45 წუთში კი, ლუკა მოდრიჩი, ისკო, კაზემირო და ტონი კროოსი მინდორზე იმას აკეთებდნენ, რაც მოესურვებოდათ. „იუვეს“ შემტევებამდე ბურთი საერთოდ არ მისდიოდა. ვეღარც პაულო დიბალა გამოიყურებოდა მხნედ და ინდივიდუალურად არაფერი გამოსდიოდა. ამასობაში კი, გონსალო იგუაინს ბურთის მიღება მეტოქის კარიდან 35-40 მეტრით მოშორებით უწევდა - რაც რა თქმა უნდა, შედეგს ვერ გამოიღებდა და არც გამოიღო.

მეორე მიზეზი ალბათ უფრო მენტალურია - „იუვენტუსს“ უკვე დიდი ხანია ფინალების სენი აქვს და რაც უნდა ვთქვათ, ფაქტს ვერ გავექცევით, ვერც წარსულს დავივიწყებთ. ეს აუცილებლად მოქმედებს ასეთ მომენტში - „ბებერ ქალბატონს“ არ სჯერა, რომ შეუძლია ფინალში გაიმარჯვოს. სხვაგვარად რომ ვთქვათ, „იუვე“ არის ორრაუნდიანი თამაშები უბადლო ოსტატი, მაგრამ 90-წუთიან დაპირისპირებაში მოიკოჭლებს.

მესამე და ესეც საკმაოდ მნიშვნელოვანი მიზეზი კი, მოკლე სათადარიგო სკამია - მასიმილიანო ალეგრის მთელი სეზონის გადატანა 12-13 საკვანძო ფეხბურთელებზე მოუწია. თავი ამანაც იჩინა. მაშინ კი, როდესაც ალეგრის თამაშის გაძლიერება სკამიდან დასჭირდა, იქ ასეთი არავინ აღმოაჩნდა. პაულო დიბალას ნაცვლად მარიო ლემინას მინდორზე შეყვანაც ამაზე მეტყველებს. მოკლედ რომ ვთქვათ, „იუვენტუსს“ არ აღმოაჩნდა საკმარისი რესურსი, რაც საბოლოო ტრიუმფამდე და ისტორიულ „ტრიპლეტამდე“ მიიყვანდა.

ორი წლის წინ და ახლა

„იუვენტუსმა“ ანალოგიური ისტორია 2015 წელსაც გადაიტანა. გუნდს მაშინაც ჰეთ-თრიქის შანსი ჰქონდა, მაგრამ ფინალში ფეხი დაუცდა - მაშინდელ „იუვეს“ ნახევარდაცვაში ისეთი ფიგურები ირჯებოდნენ, როგორებიც ანდრეა პირლო, არტურო ვიდალი და პოლ პოგბა იყვნენ. შესაძლოა მირალემ პიანიჩი და სამი ხედირა სულაც არ არიან ცუდი ფეხბურთელები, მაგრამ ალბათ „ბიანკონერის“ თამაშის კონტროლი მაშინ უფრო ხელეწიფებოდა. სხვათა შორის, ბერლინის ფინალში „იუვენტუსი“ ისე უშანსოდ არ დამარცხებულა, როგორც კარდიფში. მაშინ, უფრო ჰქონდა „იუვეს“ გამარჯვების შანსი, ამჯერად ასეთი რამ 45-ე წუთის შემდეგ არ ყოფილა. საერთოდ, მიუხედავად მცირე დროისა, იმ შემადგენლობიდან „რეალთან“ მხოლოდ ოთხმა ფეხბურთელმა ითამაშა: ბუფონი, ბონუჩი, ბარძალი და მარკიზიო...

დაუძლეველი კომპლექსი

ჩემპიონთა თასზე (ლიგაზე) „იუვენტუსმა“ მეცხრე ფინალი ითამაშა - ეჭვგარეშეა, ამ შედეგზე ბარე-ორი გუნდი მოაწერდა ხელს, მაგრამ აქედან შვიდი წააგო. ეს აბსოლუტური რეკორდია (თუ ამას რეკორდი შეიძლება ეწოდოს) და ღრმად ვარ დარწმუნებული, კარგა ხანს ვერავინ შეეცილება. არადა, ეს მხოლოდ ლიგაზე, თორემ სხვა ევროპულ ტურნირებზე, „იუვენტუსი“ ბევრად შედეგიანად თამაშობდა გადამწყვეტ მატჩებს.

თავად განსაჯეთ: უეფას თასის ოთხი ფინალიდან სამი აქვს მოგებული, ხოლო თასების თასზე ასპროცენტიანი მაჩვენებელი აქვს: ერთი ფინალი და მოგება. ანუ, გამოდის, რომ ტურინელთა კომპლექსი თუ უიღბლობა, მხოლოდ ჩემპიონთა ლიგაზე ვრცელდება: 7 მარცხი და 5 ზედიზედ...

ბელგრადიდან კარდიფამდე

„იუვენტუსის“ პირველი ფინალი ჩემპიონთა თასზე 1973 წლით თარიღდება - ბელგრადში „იუვემ ამსტერდამის „აიაქსთან“ წააგო და ეს მოულოდნელობა არ ყოფილა, მაშინ ხომ ჰოლანდიელთა რიგებში მთელი რიგი ვარსკვლავები ბრწყინავდნენ და მათ შორის, გენიალური იოჰან კრუიფი. ამას მოჰყვა 10 წლის თავზე „ჰამბურგთან“ მატჩი - ოქროს მედალის გარეშე ისევ „იუვე“ დარჩა. ფელიქს მაგათის გოლმა ყველაფერი გადაწყვიტა.

აი, 1985 წელს კი, მიშელ პლატინის პენალტით პირველად დაიგდო ევროპაში უძლიერესი გუნდის სახელი - სხვათა შორის, თერთმეტრიანი ზბიგნევ ბონიეკის წაქცევისთვის დაინიშნა, რომელიც გამოგონილი იყო - იქნებ ამის გამო ისჯება?! - ვინ იცის...

1996 წელს კი, რომში „იუვეს“ წაფორხილების უფლება არ ჰქონია. და მაინც, მოქმედ ჩემპიონ „აიაქსთან“ ბეწვის ხიდზე გაიარა და მხოლოდ პენალტების სერიაში მოიგო. საერთოდ, იმ პერიოდში „იუვენტუსი“ ევროპის საუკეთესო კლუბად იქცა. ზედიზედ სამჯერ გავიდა ფინალში, მაგრამ პირველის გარდა ვერცერთი მოიგო.

1997 წელს, მიუნხენში, „დორტმუნდთან“ მარჩელო ლიპის ძალიან ძლიერი კოლექტივი უპირობო ფავორიტი იყო, მაგრამ საიდანღაც კარლ-ჰაინც რიდლე და ლარს რიკენი გამოხტნენ - თასიც გერმანიაში დარჩა. ნუგეშად, „იუვეს“ ალესანდრო დელ პიეროს ბრწყინვალე გოლი აქვს დარჩენილი. ისევე, როგორც კარდიფის ფინალიდან მხოლოდ მარიო მანჯუკიჩის შედევრი დარჩა...

იგივე სიტუაცია იყო 1998 წელსაც - მესამე ფინალი და აშკარა ფავორიტის სტატუსი. იყო თუ არა პრედრაგ მიატოვიჩის გოლზე თამაშგარე, ეს დღემდე დავის საგანია, მაგრამ ფაქტი სახეზეა: უპირობო ფავორიტმა ისევ წააგო... ბედის ირონიით, 2003 წელს, „მილანთან“ შეხვედრის წინ, სპეციალისტები „იუვენტუსს“ მიიჩნევდნენ ფავორიტად, მაგრამ უფერულ ფინალში გამარჯვება „მილანმა“ მოახერხა პენალტების სერიით. 2015 და 2017 წელზე ყველამ ვიცით...

მოკლედ, „იუვენტუსმა“ 9 ფინალიდან მხოლოდ ორჯერ მოიგო და საინტერესოა, რომ ხსენებულ მატჩებში ჯამში სულ რაღაც 5 გოლი გაიტანა. მხოლოდ ხუთი... მიშელ პლატინი, ფაბრიციო რავანელი, ალესანდრო დელ პიერო, ალვარო მორატა და მარიო მანჯუკიჩი - მხოლოდ ამ ფეხბურთელებმა შეძლეს „იუვენტუსის“ მაისურით ჩემპიონთა ლიგის ფინალში თავის გამოჩენა -კი მაგრამ, ეს ხომ ზღვაში წვეთია?!

ჯანლუიჯი ბუფონის ფაქტორი

ლეგენდარული მეკარე 2003 წლის ფინალში მარცხის მერე, ლამის ყოველ ინტერვიუში გაიძახის, რომ მისი ოცნება ჩემპიონთა ლიგის მოგებაა. მას ეს ოცნება არა და არ აუხდა. გენიალურ კიპერს თავისთავად მისი ვერმოგება ვერაფერს დააკლებს, მაგრამ მაინც... ბუფონს სამჯერ მიეცა რეალური შანსი, მაგრამ ვერ გამოიყენა. სხვათა შორის, ბედის ირონიით, ჯიჯიმ მოკრძალებულ „პარმასთან“ ერთად უფრო მეტი ევროპული ჯილდო მოიგო, ვიდრე იტალიის 33-გზის ჩემპიონ „იუვესთან“ ერთად...

ბელა გუტმანი

საინტერესოა, როდის დაძლევს „იუვენტუსი“ ფინალების კომპლექსს და როდის მოახერხებს ჩემპიონთა ლიგის მოგებას. ვიცით, რომ ლისაბონის „ბენფიკა“ ბელა გუტმანმა დაწყევლა და იმის მერე ლისაბონელებს ფინალი არ მოუგიათ ევროპაში, მაგრამ წყევლა „იუვენტუსზეც“ მოქმედებს?!

Loading...

კომენტარები (14)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
20:58 | 06.06.2017
berodaviti (4152)

სადაც ვერ იგებდა, ვერ გაქონდა და წაგებისპირა პოზაში იყო კაშაიმ გაულოკა კურტუმო ...დშვც...

20:53 | 06.06.2017
berodaviti (4152)

იუვემ მთელი სეზონი ნაოფლარი ერთ ტაიმში ჩააფლავა და უღირსებს დაადგმევინა გვირგვინი !!!

მორჩა ჯიჯის ოცნება...

23:43 | 05.06.2017
jikha (801)

1985 ფინალში პენალტი მართლაც არ იყო, მაგრამ გაიხსენეთ ტრაგედია მატჩის დასაწყისში ბრიუსელის სტადიონზე. ლივერპულს გაპროტესტება არც უცდია. ალბათ იმიტომ, რომ ჩხუბი ატეხეს მათმა *ლე გულშემატკივრებმა. შედეგად ინგლისური კლუბები რამოდენიმე წლით მოკვეთეს ევროთასებიდან.

19:27 | 05.06.2017
jikha (801)

1985 ფინალში პენალტი მართლაც არ იყო, მაგრამ გაიხსენეთ ტრაგედია მატჩის დასაწყისში ბრიუსელის სტადიონზე. ლივერპულს გაპროტესტება არც უცდია. ალბათ იმიტომ, რომ ჩხუბი ატეხეს მათმა *ლე გულშემატკივრებმა. შედეგად ინგლისური კლუბები რამოდენიმე წლით მოკვეთეს ევროთასებიდან.

19:18 | 05.06.2017
alejandro (44436)

რა სიშზეა საუბარი? პართენოფობია ჭირს? დიდიხანია საქალწულე აპკი გარღვეული აქვს ბებერ და ათას იმაზე გადამხტარ ქალბატონს რაღადროს ამის შიშია? :=)

18:42 | 05.06.2017
BEERTRANCE (97819)

შიში რა, კომპლექსი ქვია ამას.

17:49 | 05.06.2017
O. Mertskhali (3331)

bavaria-munchen5
გეთანხმები: ტრადიციულად, იტალიურ გუნდებს საქართველოში ძალიან ბევრი გულშემატკივარი ყავს (რაც, სულ არ მიკვირს) და ეს ყველაფერიც აქედან მოდის - დომინირებენ

16:33 | 05.06.2017
bavaria-munchen5 (1311)

რა საიდანღაც რიდლი გამოხტა, აუუუ რეები წერია, ზამერიც ხო არ გამოხტა? იურგენ კოლერიც გამოხტა ზედ ანდრეას მიოლერი და როიტერიც მიახტნენ, ეს უცნობები ესენი ევროპის ჩემპიონები უბანძესები ესენი

21:02 | 06.06.2017
berodaviti (4152)

+ ლარს რიკენი, გამოსვლიდან ნახევარ წუთში რომ ულამაზესად შეუსრულა ბებერ ქალბატონს

21:56 | 05.06.2017
majlajuna (883)

მე არ ვიცი თქვენ რამდენი ხნის გულშემატკივარი ხართ, მაგრამ მე კარგად მახსოვს რომ იმდროინდელი იუვე ფრინავდა, დორტმუნდი კი ... აი როგორც მილანი-ბარსას ფინალი, იგივე ვარიანტი იყო რა. ფეხბურთელების ჩამოთვლას რა აზრი აქვს, გინდ ახლანდელი, გინდ კლოპის დორტმუნდი იმ გუნდზე ძლიერი იყო, მაგრამ ხდება ხოლმე ფეხბურთში ასე

16:21 | 05.06.2017
bavaria-munchen5 (1311)

მეორე გოლი რა ამის ბრალი არ იყო? ერთი საათი მიფრინავდა ბურთი და ესეც სანამ გონზე მოვიდა და მოძრაობა დაიწყო სადღაა ბურთი? ნახტომს რო აკეთებდა ერთ მომენტში გაჩერდა და მერე გააგრზელა ისევ მაგან დაღუპა ზუსტათ

16:14 | 05.06.2017
bavaria-munchen5 (1311)

რა ოქროს ბურთი ? მართლა რა ექსტაზში იყო საზოგადოება, რატო უნდა მოეგო? ამას ეხლა ვწერ ფინალის შემდეგ რადგან მანამდე აზრი არ ქონდა ეგრევე ბოღმაო და რაღაცეების წერას დაიწყებდნენ, ნოიერი Yეაო და შურიო. ეხლა დავწერ რო სრულ ღრუბლებში იყო ხალხი, პორტომ კარში არ დაარტყა ბარსას არ დაარტყმევინეს მონაკოს არ დაარტყმევინეს ერთი გაძვრათ მაინც, ვინც იყო რეალურად გამტანი კი ამოტენეს როგორც 2012ს იყო ესპანეთი. ნოიერს კაზემიროს დარტყმული რო გაეშვა აქ ამბავი იქნებოდა, წარმოდგენაც მიჭირს რა შინაარსის და ცინიკური კომენტარები იქნებოდა, ეხლა? რა გაურჭო ხმას არავინ იღებს

15:33 | 05.06.2017
temo11 (1570)

რა მალე დაივიწყეს ბარსელონასთან მოგება, ბარსელონას ფარჩაკი დაცვა იყო რომ გადაუარეს რეალს, ასე რომ, უბრალოდ იმ თამაშისთვის უკე|თესად იყო რეალი.მორჩა, დამსახურებულად მოიგო

14:52 | 05.06.2017
lashamax (858)

არანაირი კომპლექსი არ ყოფილა. უბრალოდ იუვენტუსი რეალს კლასით ჩამორჩება.
გუნდი რომ პოგბას და ვიდალს გაუშვებს ის როგორ მოიგებს ლიგას. ფინალამდე კიდევ შეიძლება მიაღწიოს, მაგრამ იქ რეალთან აუცილებლად დასამარდება.
გადახედეთ შემადგენლობას. ხედირა და დიბალა რა წინააღმდეგობას გაუწევდა კროოს, მოდრიჩს და კაზემიროს. ან კიდევ რონალდოს და მენზემას იგუანი.
ბეილი არ იყო ფორმაში თორემ სულ გააფარჩაკებდნენ ამ საცოდავებს

14:48 | 05.06.2017
johnsilver (389)

იუვეს ბრალი ნამდვილად არის 1997-8 წლის ფინალები - უკეთესი გუნდი ყავდა რეალზეც და დორტმუნდზეც და უნდა მოეგოთ.
მას შემდეგ მილანი ალბათ მაინც უკეთესი იყო, თუმცა იუვეს რომ მოეგო, ალბათ ვერავინ იტყოდა, არ ეკუთნოდაო.
მაგრამ ბოლო წლებში იტალიის დონე იმდენად გაუარესდა, რომ ევროპის გრანდებთან ჭიდილი იუვესთვის უკვე არაა ადვილი. პიანიჩმა, ხედირამ და ღიპუცამ ვის უნდა მოუგონ? ბარსელონას ფარჩაკი დაცვა გაამწარეს კონტრშეტევებზე, თან იმათაც ჩავარდნა ქონდათ მაგ პერიოდში...

15:07 | 05.06.2017
კორბენ ცრუმართალა (13790)

ჩემი აზრით 2003-ში ნედვედი რომ ყოლოდათ ფინალში, მოუგებდნენ მილანს.
ძალიან მაგარი იყო ის იუვე. ჯერ მეოთხედფინალში ბარსას 10 კაცით აჯობეს ნოუ კამპზე, მერე ნახევარფინალში უძლიერეს რეალს გადაურბინეს დელე ალპიზე.
პავლიკას არ უნდა მიეღო მანდ ყვითელი.

13:24 | 05.06.2017
კორბენ ცრუმართალა (13790)

ნეტა რა მოხდება ჩლ-ის ფინალში იუვე და ბენფიკა რომ შეხვდნენ ერთმანეთს ? ალბათ საფეხბურთო ღმერთი ვენებს გადაიჭრის DDDDDDDDD
ბუფონი მეცოდება თორე, იუვე ხუთივე ფინალში წაგების ღირსი იყო. მილანთან 2003 წლის ფინალი გემახსოვრებათ - როსონერის ბრაზილიელი მცველი დაიმტვრა დამატებით დროში და შეცვლის უფლება აღარ ჰქონდათ. იდგა უბრალოდ ხესავით, ვეღარ მოძრაობდა. ჰოდა ამ კვერცხებმა ერთი შეტევა ვერ გააკეთეს მისი მხრიდან, რომ მოემთავრებინათ საქმე და პენლებამდე არ მიეყვანათ.
ჯიჯის წლევანდელ ფინალს რაც შეეხება, ვფიქრობ გაშვებულ გოლებში ბრალი არ მიუძღვის. პირველ გოლზე დაცვამ ჭამა, რონალდოს ფაქტიურად პენალტი დაარტყმევინეს. თან მცირე რიკოშეტმა მეკარისგან უფრო მარჯვნივ წაიღო ბურთი და მეკარე უშანსოდ იყო.
მეორე გოლზე აშკარა რიკოშეტი იყო.
მესამე ბურთზე კი შეიძლება ბუფონს ვუსაყვედუროთ, ოღონდ ცოტათი DDDDDDDD მანდაც დაცვას უნდა ეყოჩაღა და ჯიჯიც მცველებს ენდო. თან მახვილი კუთხიდან გაშვებულ გოლებს, როგორც წესი მეკარეს აბრალებენ.
მეოთხე - რაღა აზრი ჰქონდა მეოთხეს ? DDDDDDDDD

15:34 | 05.06.2017
temo11 (1570)

იუვე თუ კვერცხია და მაგრად აანალიზებთ, რომ მოეგო ხომ იქნებოდა ღმერთები ფეხბურთის

15:49 | 05.06.2017
კორბენ ცრუმართალა (13790)

მოეგო მერე, ვინ დაუშალათ. ერთხელ, მეორედ, მესამედ, მეოთხედ, მეხუთედ...
კვერცხია აბა რა არი ? DDDDDDD

13:44 | 05.06.2017
Lucas B. (1293)

რიკოშეტი არ ყოფილა რონალდუს გოლზე

14:35 | 05.06.2017
sabonis (8771)

როგორ არა მცირე მარა იყო.

სტატისტიკა
0.182058