დასრულდა 18 წლამდე ვაჟ კალათბურთელთა შორის საქართველოს 2016-2017 წლების ჩემპიონატის რეგულარული პირველობა, რომელშიც 13 გუნდი მონაწილეობდა. კონკურსგარეშე თამაშობდა აზერბაიჯანის გუნდი ,,ბაქო’’.

ასპარეზობა ორ წრედ ჩატარდა და გაირკვა ვინაობა იმ რვა გუნდის, რომლებიც ფლეი ოფში იასპარეზებენ. შესანიშნავად ითამაშა ზაზა ფაჩულიას კალათბურთის აკადემიის გუნდმა ზაზა-1-მა, რომელსაც წაგება არ აქვს და ქულათა მაქსიმუმი დააგროვა.

მეოთხედფინალური შეხვედრები ერთი მატჩისაგან შედგება. რაც შეეხება ნახევარფინალებსა და ფინალს აქ შეხვედრები ორ მოგებამდე გაგრძელდება.

გთავაზოთ რეგულარული ჩემპიონატის დასრულების შემდეგ საბოლოო სატურნიტრო მდგომარეობას:

რადგან მერვე ადგილზე კონკურსგარეშე მოასპარეზე ,,ბაქო’’ გავიდა, ფლეი ოფში მისი ადგილი მეცხრეადგილოსანმა თსუ-მ დაიკავა. მეოთხედფინალში გუნდები ასე დაწყვილდნენ:

ზაზა-1 - თსუ

,,ჰიუნდაი’’- ,,სოხუმი’’

,,გორი’’- ,,ქუთაისი’’

,,აკადემია’’- ,,არმია’’

შეხვედრებს პირველად დასახელებული გუნდები უმასპინძლებენ. მატჩების ჩატარების დროს მოგვიანებით დაადგენენ.