ჰოლანდიის ეროვნული ნაკრების და აწ უკვე "შალკეს" ყოფილი თავდამსხმელი კლას-იან ჰუნტელაარი კარიერას "აიაქსში" გააგრძელებს. როგორც ამსტერდამული კლუბის ოფიციალური ვებგვერდი იუწყება, ფეხბურთელი გუნდში 1 წლით ითამაშებს და სეზონის ბოლოს შესაძლოა კონტრაქტი ერთი წლით გახანგრძლივდეს.

ჰუნტელაარი პირველად "აიაქსში" "ჰერენვეენიდან" 2006 წლის დასაწყისში გადავიდა და 2009 წლამდე 134 მატჩში 102 გოლი გაიტანა. შემდეგ ფეხბურთელმა მადრიდის "რეალის" და "მილანის" რიგებშიც ითამაშა. გერმანულ გუნდში კლას-იანმა 7 სეზონი გაატარა, ამ ხნის განმავლობაში კი 240 შეხვედრაში თავი 126-ჯერ გამოიჩინა.