ესპანეთის ლიგა ენდესას გათამაშებაში ნახევარფინალური სერიები დაიწყო. ჩვენი ყურადღება რა თქმა უნდა, „სასკი ბასკონიასა“ და თორნიკე შენგელიასკენაა მიპრყობილი. ბასკებმა საკუთარ მოედანზე „ვალენსია“ მიიღეს და დაძაბულ, დრამატულ ბრძოლაში წააგეს - 82:83.

მასპინძლები მთელი თამაში სჯაბნიდნენ მეტოქეს, მაგრამ ბოლო მეოთხედი ჩააგდეს, რომელიც 7 ქულის სხვაობით, 18:25 წააგეს და ამან მატჩის საბოლოო შედეგზე დიდი გავლენა იქონია.

შენგელია სასტარტო ხუთეულში არ ყოფილა, თუმცა პარკეტზე 22:23 წუთი გაატარა. თოკომ აღნიშნულ დროში 10 ქულა და 4 მოხსნა დააგროვა. ქართველმა კალათბურთელმა რვიდან 5 ორქულიანი ისროლა ზუსტად, ერთი სამიანი ააცილა, ხოლო საჯარიმო არ უსვრია. მარგი ქმედების კოეფიციენტი შენგელიას 10 ჰქონდა.

ამრიგად, სერიაში „ვალენსია“ დაწინაურდა და შეიძლება ითქვას, ფინალისკენ დიდი ნაბიჯიც გადადგა.