მსოფლიოს ნომერ მესამე ჩოგბურთელმა სტანისლავ ვავრინკამ ჟენევის ღია ტურნირის ფინალში მიშა ზვერევი 4:6, 6:3, 6:3 დაამარცხა და აღნიშნული ჩემპიონატი კარიერაში ზედიზედ მეორედ მოიგო.

შვეიცარიელმა კარიერაში მე-16, ხოლო 2016 წლის ამერიკის ღია ჩემპიონატის შემდეგ პირველი ტურნირი მოიგო. გერმანელმა მეორედ წააგო ATP-ის ტურნირის ფინალი. აღნიშნული გამარჯვებით ვავრინკამ 250 სარეიტინგო ქულა და 85 945 ევრო დაიმსახურა. ზვერევმა 150 ქულა და 45 265 ევრო გამოიმუშავა, განახლებულ რეიტინგში კი ორი ადგილით იქნება დაწინაურებული და 31-ე პოზიციაზე გადაინაცვლებს.