საქართველოს ბერძნულ-რომაული სტილით მოჭიდავეთა ახალგაზრდული ნაკრები იტალიის ქალაქ სასარიში, მსოფლიოს ჭიდაობის გაერთიანების (Uჭჭ) ეგიდით გამართულ საერთაშორისო ტურნირზე ბრწყინვალედ გამოვიდა. კონკურენციაში რვა ქართველი ჩაება და შვიდმა პოდიუმზე ასვლა შეძლო - გუნდმა 5 ოქროს, 1 ვერცხლისა და 1 ბრინჯაოს მედალი მოიპოვა.

ტურნირი წაუგებლად ნუგზარ წურწუმიამ (55 კგ), გიორგი კურტანიძემ (66 კგ), ბექა მამუკაშვილმა (84 კგ), გიორგი ბარბაქაძემ (96 კგ) და ზვიად პატარიძემ (120 კგ) ჩაამთავრეს და ჩემპიონები გახდნენ.

66 კილოგრამში ქართული ფინალი შედგა და ლერი აბულაძემ (66 კგ) მეორე საპრიზო ადგილი დაიკავა. რამაზ სილაგავა (55 კგ) კი ბრინჯაოს დასჯერდა.