ლონდონის “ჩელსის” ლეგენდარული კაპიტანი ჯონ ტერი გამოემშვიდობა. ვეტერანმა ფეხბურთელმა “არისტოკრატების” მაისურით “სტემფროდ ბრიჯზე” ბოლოჯერ “სანდერლენდთან” მატჩში ითამაშა. იგი ძირითად შემადგენლობაში იყო, თუმცა ბევრისთვის მოულოდნელად ანტონიო კონტემ 26-ე წუთზე შეცვალა.

როგორც გაირკვა, ეს წინასწარ იყო შეთანხმებული და თავად ფეხბურთელის სურვილით მოხდა:

“თამაშამდე ვესაუბრე მთავარ მწვრთნელს და შევთანხმდით, რომ სიმბოლურად 26-ე წუთზე შემცვილდა. ეს ჩემი იდეა იყო”, - თქვა ტერიმ.

ჯონ ტერი 19 წლის განმავლობაში “ჩელსიში” სწორედ 26 ნომრიანი მაისურით თამაშობდა და როგორც ჩანს ცვლილებაც ამ წუთზე იმიტომ მოხდა. ტერიმ მიმდინარე სეზონში პრემიერლიგაში მხოლოდ 9 მატჩი ჩაატარა და ერთი გოლი გაიტანა. უკანასკნელად კი, იგი ლონდონელთა ღირსებას ინგლისის ასოციაციის თასის ფინალში დაიცავს, რომელშიც “ჩელსი” “არსენალს” შეხვდება.