ფეხბურთი

14:54 | 16.05.2017 | ნანახია [] - ჯერ

მარტინ დემიკელისმა კარიერა დაასრულა

ესპანური „მალაგას“ მცველი მარტინ დემიკელი აქტიურ საფეხბურთო კარიერას ასრულებს. ამის შესახებ სამხრეთამერიკელმა საზოგადოებას თავად აცნობა. დემიკელისის თქმით, ახლა ის დრო მოვიდა, როდესაც მან წერტილი უნდა დასვას.

„ადრე თუ გვიან კარიერას ყველა ასრულებს და ეს მომენტი ჩემთვის უკვე მოვიდა. მადლობა ფეხბურთს და განსაკუთრებით „მალაგას“, რომლის გულშემატკივრად ყოველთვის დავრჩები“, - თქვა დემიკელისმა.

36 წლის მარტინ დემიკელისს საკმაოდ წარმატებული კარიერა ჰქონდა და 16 ტიტულის მოგება შეძლო. სხვადასხვა დროს მას „რივერ პლეიტში“, „ბაიერნში“, „მალაგაში“, „მანჩესტერ სიტისა“ და „ესპანიოლში“ უთამაშია. არგენტინის ნაკრების ღირსება კი, 2005-2016 წლებში 51-ჯერ დაიცვა.

0.115602