"ვასკო და გამას" ახალგაზრდული გუნდის ავტობუსი რიო დე ჟანეიროს მაღალმთიან რაიონ კაშუეირა დი მაკაკუს ტერიტორიაზე ავარიაში მოყვა. როგორც კლუბის ოფიციალური ვებგვერდი იუწყება, 17-წლამდელთა გუნდის ფეხბურთელები და პერსონალი კარგად არიან. რამდენიმე ადამიანს სასწრაფო სამედიცინო დახმარება დასჭირდა და მათი მდგომარეობაც სტაბილურია.

ბრაზილიური მედია კი იუწყება, რომ შემთხვევის დროს ავტობუსში 30 ადამიანიდან 22 დაშავდა და ზოგიერთი ახლომდებარე საავადმყოფოში გადაიყვანეს. ჯერჯერობით ავარიის გამომწვევი მიზეზი უცნობია.