გაიმართა ეროვნული ლიგის მეთორმეტე ტურის პირველი მატჩი. ქუთაისის "ტორპედომ" ქობულეთის "ჩელე არენაზე" 3:0 მოუგო ფოთის "კოლხეთს", რომელსაც სათადარიგოებში მხოლოდ ერთი ფეხბურთელი ჰყავდა. ეს დისკვალიფიკაციებისა და ტრავმების გამო. განსაკუთრებით დააკლდა გუნდს ფორვარდი მიკოლა კოვტალიუკი.

გუნდი რომ 12 ფეხბურთელით გამოცხადდება, რომელ შედეგზეა საუბარი? "ტორპედოს" გატანილი გოლებიდან კი ერთი განსაკუთრებული იყო - დავით ხურცილავამ ჩააწოდა და თორნიკე კაპანაძემ ისეთი მაკრატელა მიაყოლა, ნებისმიერი ვარსკვლავი მოაწერდა ხელს. ძალიან ჰგავდა მექსიკელი მანუელ ნეგრეტეს გოლს, 1986 წლის მუნდიალზე რომ გავიდა.

კაპანაძემ პირველ ტაიმში მეორე გოლიც შეაგდო. მეორე ნახევარში კი გიორგი კუხიანიძემ დაარტყა და ბურთი ვარლამ კილასონიას ფეხიდან შევარდა კარში.

"ტორპედო", ჯერჯერობით, მეორე ადგილზეა, ხოლო ფოთელები ბოლოდან მეორეზე არიან.

კოლხეთი (ფოთი) - ტორპედო (ქუთაისი) 0:3 (0:2)

კოლხეთი: სიკაჩი, გ.კილასონია, კერძევაძე, ვ.კილასონია, კაკულია, ლუკავა, ბოლქვაძე, ჯანელიძე, დაფე, კორობკა, ბუხაიძე

ტორპედო: რ.კვასხვაძე, ტაბატაძე, ჭიჭინაძე, გ.გურული, ქიმაძე, ხურცილავა, მამასახლისი, გიგაური, გ.კუხიანიძე (ფურცხვანიძე 65), დოლიძე (საღრიშვილი 58), კაპანაძე (ს.კუხიანიძე 82)

გოლები: 0:1 კაპანაძე (28), 0:2 კაპანაძე (44), 0:3 ვ.კილასონია (53 საკ.კარში)

გაფრთხილება: დაფე

მსაჯი: ხარიტონაშვილი

14 მაისს გაიმართება

13:30. თბილისი. მიხეილ მესხი2. ლოკომოტივი-საბურთალო

15:30. ქობულეთი. ჩელე არენა. შუქურა-ჩიხურა

15:30. სამტრედია. ეროსი მანჯგალაძე. სამტრედია-დინამო (ბათუმი)

17:30. გორი. თენგიზ ბურჯანაძე. დილა-დინამო (თბილისი)L