“სან ანტონიო სპურსის” ფრანგი გამთამაშებელი ტონი პარკერი ფეხის ტრავმის გამო მიმდინარე პლეი-ოფში გუნდს ვეღარ დაეხმარება და მომდევნო სეზონის დასაწყისსაც გამოტოვებს.
ახლახანს გახდა ცნობილი, რომ ტონის ოპერაცია გაუკეთეს და მის აღდგენით პროცესს რვა თვე დასჭირდება, აღნიშნულ ინფორმაციას კლუბის ოფიციალური ვებგვერდი ავრცელებს.
შეგახსენებთ, რომ პარკერმა ფეხის ტრავმა “ჰიუსტონთან” სერიის მეორე შეხვედრაში მიიღო, ტონიმ პარკეტი თანაგუნდელების დახმარებით დატოვა.
