„მორაბანკ ანდორასა“ და საქართველოს ნაკრების ცენტრ გიორგი შერმადინის შეიძლება ითქვას, კარიერის გამორჩეული პერიოდი უდგას. ჩვენებური ესპანეთის ჩემპიონატის 32-ე ტურის საუკეთესო კალათბურთელად დასახელდა.
ამასთან დაკავშირებით, ლიგა ენდესას ოფიციალური ვებგვერდი მას „ვალენსიასთან“ გამარჯვების შემდეგ გაესაუბრა. გიორგიმ აღნიშნა, რომ ბედნიერია აღიარებით, თუმცა უფრო მეტად გუნდის წარმატება ახარებს.
„რა თქმა უნდა, ძალიან ბედნიერი ვარ, რომ საუკეთესოდ დამასახელეს, მაგრამ უფრო მეტად გუნდის მოგების გამო. ვიცოდით, რომ ეს იყო ძალზე მნიშვნელოვანი თამაში ჩვენთვის, პლეი-ოფში გასასვლელად, რომელიც ჩვენი მთავარი მიზანია. მინდა მადლობა გადავუხადო სამწვრთნელო შტაბს, ჩემს თანაგუნდელებს - მათ გარეშე MVP ვერ გავხდებოდი.
„ანდორას“ დარბაზში ყოველთვის შესანიშნავი ატმოსფეროა, მაგრამ „ვალენსიას“ წინააღმდეგ განსაკუთრებული იყო. გვინდა ვითამაშოთ პლეი-ოფში და დარწმუნებული ვარ, მიზანს მივაღწევთ. ახლა უკვე სევილიაში გვაქვს თამაში, რომელიც ადვილი არ იქნება. „ბეტისი“ რთულ სიტუაციაშია და თავისი მიზნები გააჩნია.
ბოიან ჯორჯევიჩი ლიგა ენდესას ერთ-ერთი საუკეთესო ცენტრია, მაგრამ არ ველოდი თუ ასეთ დაცვით კალათბურთს ითამაშებდა. მე კი, უბრალოდ ვთამაშობდი ჩემი გუნდისთვის“, - ციტირებს შერმადინის სიტყვებს ლიგა ენდესას ოფიციალური ვებგვერდი.
აქვე გეტყვით, რომ შერმადინი ტურის საუკეთესო მოთამაშედ მიმდინარე სეზონში მესამედ დასახელდა. გარდა ამისა, მიჯრით ორჯერ თვის საუკეთესოც გახდა.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
თუმცა მეორედაც თუ გახდა მსოფლიოს ჩემპიონი 2026-ში,მაშინ მართლა არაფერზე აღარ ექნება კარიერაზე სანერვიულო)))ზედიზედ 2-2 მუნდიალი და კოპა ამერიკა,ისტორიაში პირველი გუნდი ლეოს არგენტინა რომელმაც ეგ გააკეთა))))ყველა ეპოქალურ ნაკრებს ჩახდის)))
დიდი ალბათობით გააკეთებენ მაგასაც.დაიმახსოვრეთ,2026-ის მუნდიალსაც ლეოს არგენტინა იგებს.რაც დააკლდა ახალგაზრდობაში,სიბერეში ამოიღებს ერთიანად)))
ტიპმა ყველაფერი მოიგო,საოცარი ფეხბურთი ითამაშა და ულაპარაკოდ ყველადროის საუკეთესო მოთამაშეა,მაგრამ მაინც შეეძლო მეტის მოგებაც))))2014-ის მუნდიალის ფინალი,2016-ის კოპა ამერიკას ფინალი და 2 ლიგა მაინც უნდა დაედო კიდევ,ასევე 2 ლა ლიგაც))))