სოლომონ კვირკველიამ რუსეთის თასი მოიგო - ფინალურ მატჩში „ლოკომოტივმა“ ჯემალ ტაბიძისა და გიორგი ჭანტურიას „ურალს“ დამაჯერებლად აჯობა - 2:0. აღნიშნული მატჩში შეუცვლელად ითამაშეს ქართველმა მცველებმა, ხოლო მატჩის შემდეგ კვირკველიამ ადგილობრივ მედიასთან ისაუბრა და სურვილი გამოთქვა დამდეგ სეზონში რუსეთის ჩემპიონის ტიტულის მოგების.

„ეს იყო ყველაზე მნიშვნელოვანი ამოცანა - მოხვედრა ევროპა ლიგის ჯგუფურ ეტაპზე, რადგან გვყავს კარგი გუნდი, კარგი გულშემატკივრები, კარგი მწვრთნელი. მოხარული ვარ, რომ მოვიგეთ რუსეთის თასი. ახლა მინდა, „ლოკომოტივში“ დავრჩე და მომდევნო სეზონში რუსეთის ჩემპიონის ტიტული მოვიგო“, - ციტირებს კვირკველიას სიტყვებს Tass.ru.

შეგახსენებთ, 25 წლის ქართველი მცველი „ლოკომოტივს“ ყაზანის „რუბინიდან“ შეუერთდა ზამთარში და მიმდინარე სეზონის ბოლომდე აკავშირებს საიჯარო ხელშეკრულება. ქართველი გუნდს კარგად შეეწყო და წესით, „რკინიგზელებმა“ მისი სრულად გამოსყიდვა უნდა მოინდომონ.