ჩრდილოეთ ირლანდიის პრემიერშიფის გამარჯვებული "ლინფილდი" გახდა. კლუბმა ქვეყნის ჩემპიონობა 52-ედ იზეიმა. ბოლო ტურში გუნდმა სტუმრად "კლიფტონვილი" 3:1 დაამარცხა, 89 ქულა მოაგროვა და "კრუსადერსს" 2 ქულით გაუსწრო.

"ლინფილდზე" მეტჯერ ქვეყნის ჩემპიონი "რეინჯერსი" გახდა. გლაზგოელები ამ მხრივ რეკორდსმენები არიან და შოტლანდიის ჩემპიონატი 54-ჯერ აქვთ მოგებული. ბელფასტური გუნდი ბოლო პრემიერშიფის ჩემპიონი ოთხი წლის წინ გახდა, მას შემდეგ კი ერთხელ მესამე ადგილზე გავიდა და სამჯერ მეორეზე.