69 წლის სპეციალისტი დიკ ადვოკაატი ჰოლანდიის ეროვნულ ნაკრებს ჩაიბარებს და მისი ასისტენტი რუუდ გულიტი იქნება. როგორც ჰოლანდიური მედია იტყობინება, ჯერჯერობით მხარეებს კონტრაქტზე ხელი არ მოუწერიათ, მაგრამ ყველაფერი შეთანხმებული აქვთ და უახლოეს მომავალში ოფიციალურად გაფორმდება.

ადვოკაატს ჰოლანდიის ნაკრებში აქამდეც უმუშავია - 1984-1987, 1990-1992 და 2016 წლებში მთავარი მწვრთნელის ასისტენტად, ხოლო 1992-1994 და 2002-2004 წლებში მთავარ მწვრთნელად. გარდა ამისა, 37-წლიან სამწვრთნელო კარიერაში მისი გაწვრთნილი გუნდების და ნაკრებები სია ასე გამოიყურება: “ჰარლემი”, პსვ, “რეინჯერსი”, “გლადბახი”, “ალკმაარი”, “სანდერლენდი”, “ზენიტი”, “ფენერბეხჩე”, არაბეთის გაერთიანებული საამიროების ნაკრები, სამხრეთ კორეა, ბელგია, რუსეთი, სერბეთი.