“იუტა ჯაზის” ფრანგი ცენტრი რუდი გობერი “კლიპერსთან” სერიის მეორე შეხვედრას გამოტოვებს, აღნიშნულ ინფორმაციას კლუბის ოფიციალური ვებგვერდი ავრცელებს.

გობერს ფეხის ტრავმა აწუხებს, რომელიც პირველ შეხვედრაში მიიღო. გამოკვლევებმა აჩვენა, რომ მოტეხილობა ან რაიმე სერიოზული დაზიანება მოთამაშეს არ მიუღია.

პირველ შეხვედრაში “იუტამ” გასვლაზე “კლიპერსს” 97:95 მოუგო, მეორე მატჩი ლოს ანჯელესში 19 აპრილს თბილისის დროით 06:30 საათზე გაიმართება.