ევროპაში ხმა გავარდა, პორტუგალიელმა კრიშტიანუ რონალდუმ როგორც იქნა გულისსწორს მიაგნო და ახლა ის დროა, მასზე მონადირე ქალებმა “ხმლები” ქარქაშებში ჩააგონ და მუხთალი წუთისოფლის მიერ მიძღვნილ უიღბლობასა და კაეშანს შეეგუონო.

ბევრი კი იძახის, ეს ამბავიც მორიგი ჭორია და რონალდუ კვლავ ქორბუდა ირემივით მარტოსული დაიარებაო, მაგრამ რონალდუს ბედს ისეთ კოხტა და ამაღელვებელ ასულთან აკავშირებენ, რომ ადამიანს ძალაუნებურად და ნამეტნავად გინდება, - ეს ამბავი ჭეშმარიტება იყოს.

როგორც ევროპის ბულვარული მედია გვამცნობს, პორტუგალიელი მეგოლის რჩეული ახალგაზრდა ავსტრიელი მოდელი ლივ ლიტეკია, რომელიც ესპანეთში მოღვაწეობს და თავის საქმეში საკმაოდ წარმატებულიცაა. აქამდე კრიშტიანუს სულ შავგვრემანი ქალები იზიდავდა და ვითომ გემოვნება ასე მკვეთრად შეეცვალა? მოდი და იტეხე ახლა თავი...