ფეხბურთი

12:02 | 9.04.2017 | ნანახია [] - ჯერ

ნეიმარს სამმატჩიანი დისკვალიფიკაცია ემუქრება (+VIDEO)

ბრაზილიის ეროვნული ნაკრების და კატალონიის "ბარსელონას" შემტევ ნეიმარს სამმატჩიანი დისკვალიფიკაცია ემუქრება. "ბლაუგრანამ" "მალაგასთან" ესპანეთის ჩემპიონატის 31-ე ტურში სტუმრად 0:2 წააგო, სამხრეთამერიკელი კი წითელი ბარათი 65-ე წუთზე მიიღო. როგორც Aშ-ი იუწყება, ლა ლიგის სადისციპლინო კომიტეტმა შესაძლოა ნეიმარი სამი მატჩით დასაჯოს, მიზეზი კი გაძევების დროს მსაჯის მიმართ გამოხატული ირონიული აპლოდისმენტია.

იმ შემთხვევაში თუ ბრაზილიელი მკაცრად დაისჯება, მადრიდის "რეალთან" 23 აპრილს გასამართ "ელ კლასიკოს" გამოტოვებს. ნეიმარმა წითელი ბარათი კარიერაში მეხუთედ მიიღო, "ბარსელონას" მაისურით ბოლო 59 მატჩში სამხრეთამერიკელი პირველად გააძევეს, ხოლო ლა ლიგის 179 შეხვედრაში ნეიმარმა მოედანი ნაადრევად პირველად დატოვა.

0.103154