იტალიის სერია A-ს 2016 წლის საუკეთესო მწვრთნელად „ნაპოლის“ თავკაცი მაურიციო სარი დასახელდა. 58 წლის ნეაპოლელმა სპეციალისტმა გამოკითხვაში ყველაზე მეტი ხმა მიიღო და ტრადიციული ჯილდო Panchina d’Oro პირველად დაისაკუთრა.

საბოლოოდ სარის 61 ხმიდან 25 ერგო და მცირედით გაუსწრო მეორე ადგილზე გასულ მასიმილიანო ალეგრის, რომელიც „იუვენტუსში“ მუშაობს - 21 ხმა. ამავე გამოკითხვაში მესამე პოზიციაზე 7 ხმით „სასუოლოს“ დამრიგებელი ეუსებიო დი ფრანჩესკო გავიდა.

„ჩემთვის ეს ძალიან ემოციურია - 5 წლის წინ ლეგა პროში ვმუშაობდი, ეს წარმოუდგენელია. მადლობა სტაფს, „ემპოლისა“ და „ნაპოლის“. ასევე, ორ ადამიანს, მარჩელო კარლისა და კრისტიანო ჯინტოლის“, - თქვა სარიმ.