ბერძნულმა “ოლიმპიაკოსმა” მიმდინარე თვის დასაწყისში დათხოვნილი პაულუ ბენტუს ნაცვლად მთავარი მწვრთნელის თანამდებობაზე ტაკის ლემონისი დანიშნა. 57 წლის სპეციალისტი მშობლიურ კლუბში მუშაობას უკვე შეუდგა.

ლემონისი პირეოსელებს აქამდე ორჯერ ხელმძღვანელობდა - 2000-2002 და 2006-2008 წლებში, ფეხბურთელობისას კი 9 წლის განმავლობაში იცავდა “ოლიმპიაკოსის” ღირსებას. მწვრთნელის რანგში გუნდს ოთხჯერ მოაგებინა ჩემპიონის ტიტული, თითოჯერ - თასი და სუპერთასი.

“ოლიმპიაკოსი” საბერძნეთის ჩემპიონატს 25 ტურში მოპოვებული 54 ქულით ლიდერობს.