16 წლის ბრაზილიელმა თავდამსხმელმა ევროპა უკვე მოხიბლა და მას ახალ ნეიმარს უწოდებენ. ვინისიუშ ჟუნიორმა უკვე რამდენიმე ევროპული კლუბის ყურადღება მიიპყრო.

ახალი ნეიმარით “იუვენტუსი”, “ბარსელონა”, “რეალი” და “ბაიერნი” ინტერესდებიან. “ფლამენგო” კი ახალგაზრდა ფეხბურთელში 30 მილიონ ევროს ითხოვს.

“ფლამენგოს” შემტევმა თავი ბრაზილიის ასაკობრივ ნაკრებებშიც გამოიჩინა. U17-ის შემადგენლობაში სამხრეთ ამერიკის თასის გამარჯვებული გახდა. ამასთან, 17-წლამდელთა ნაკრებში ჩატარებულ 19 მატჩში მის ანგარიშზე 17 გოლია და ახალგაზრდა ფეხბურთელს მალე ეროვნულ გუნდში თამაშსაც უწინასწარმეტყველებენ.