ფეხბურთი

21:45 | 9.03.2017 | ნანახია [] - ჯერ

ფუტსალის ლიგა 2016/17: პრინციპული ტური!

10 მარტს, თბილისის ოლიმპიური სასახლე, საქართველოს ფუტსალის ლიგის XI ტურის შეხვედრებს უმასპინძლებს.

სათამაშო დღე პრინციპული დაპირისპირებებით იქნება გამორჩეული, რაც ძირითადად საპლეიოფო ზონის საგზურის მაძიებლების უშუალო „გარჩევებს“ უკავშირდება. გამონაკლისი მხოლოდ სათამაშო დღის სასტარტო შეხვედრა იქნება, რომელშიც ერთმანეთს ორი აუტსადიერი, თბილისი ვარიორსი და იბსუ დაუპირისპირდებიან.

14:00 სთ-ზე გათამაშების ერთპიროვნული ლიდერი მფკ ტატიშვილი, ბათუმის სახელმწიფო უნივერსიტეტის კლუბს უმასპინძლებს. მიუხედავად სატურნირო ცხრილში დიდი სხვაობისა, პირველ წრეში ბათუმში გამართული შეხვედრიდან გამომდინარე, სადაც „სტუდენტები“ მატჩის განმავლობაში ორჯერ ამარცხებდნენ მრისხანე მეტოქეს, ეს დაპრისპირებაც საინტერესო უნდა გამოდგეს.

16:00 სთ-ზე დაიწყება ტურის ცენტრალური შეხვედრა, რომელშიც ერთმანეთს სატურნირო ცხრილში II-III ადგილზე მყოფი სტუ-თელასი და აგორა დაუპირისპირდებიან. პირველ წრეში ამ გუნდების შეხვედრა ყველასთვის მოულოდნელად, ფრედ 2-2 დასრულდა. შესაბამისად გამონაკლისი არც პარასკევს გასამართიდაპირისპირება უნდა გამოდგეს. ორივე გუნდის მთავარი საფიქრალი და მიზანი, სატურნირო ცხრილში უახლოეს მდევრებთან და კონკურენტებთან მინიმუმ სხვაობის შენარჩუნებაა.კიდევ ერთი საინტერესო დეტალი, პირველ წრეში გამართულ შეხვედრაში, გამათანაბრებელი გოლის ავტორი, დავით გეგეგშიძე ახლა უკვე „ენერეგეტიკოსების“ რიგებში ეცდება თავის გამოჩენას.

მომდევნო ორი შეხვედრაში ოთხეულში მოსახვედრად მებრძოლი გუნდების უშუალო დაპირისპირებები გაიმართება.

მფკ თბილისი, მფკ დინამო ბათუმს მიიღებს და გარდა სასიცოცხლოდ მნიშვნელოვანი ქულების დაგროვებისა, ეცდება პირველ წრეში „არასტუმართმოყვარე დახვედრისთვის“ რევანშიც აიღოს. მატჩი 18:00 სთ-ზე დაიწყება.

სათამაშო დღეს აფხაზეთისა და მგლების დაპირისპირება დაასრულებს. ამ ტურის წინ „ზღვისპირელები“ მეოთხე ადგილზე იმყოფებიან, თუმცა წარუმატებლობის შემთხვევაში შესაძლოა ეს, ადგილის დაკარგავად დაუჯდეთ, თავის მხრივ მგლებს კარგი შანსი აქვთ, სანატრელ „ოთხეულს“ მიუახლოვდნენ და გამარჯვების შემთხვევაში, თუ თბილისი-დინამოს დაპირისპირებაც „დედაქალაქელთა“ გამარჯვებით დასრულდა, მომდევნო ტურს სწორედ საპლეიოფო ზონაში შეხვდნენ. შეხვედრა 20:00 სთ-ზე აიღებს სტარტს.

შეგახსენებთ, რომ ყველა მატჩის პირდაპირი რეპორტაჟის ხილვა ვებ-გვერდ sbm.ge-ს საშუალებითაა შესაძლებელი, სადაც ასევე, ონლაინ რეჟიმში შეძლებთ ადევნოთ თვალი მატჩების სტატისტიკურ მონაცემებს.

10.03.2017. თბილისის ოლიმპიური სასახლე. XIტური

12:00 მფკ თბილისი ვარიორსი - მფკ იბსუ

14:00 მფკ ტატიშვილი - მფკ ბსუ (ბთ)

16:00 მფკ სტუ-თელასი - მფკ აგორა

18:00 მფკ თბილისი- მფკ დინამო (ბთ)

20:00 მფკ აფხაზეთი - მფკ მგლები

ჩემპიონატისპარტნიორებიდამხარდამჭერებიარიან: სილკუნივერსალი, სპორტულიბრენდი „SALLER”, “წყალიმარგებელი“, იურიდიულიჯგუფიერისთავიდაპარტნიორები“, „ტატიშვილისსამედიცინოდასპორტულირეაბილიტაციისცენტრი

მედიაპარტნიორები: რადიოები, “თანამგზავრი 92,3“, „იმედი“, JAKO FM, „კომერსანტი“, ვებპორტალები, sportall.ge, worldsport.ge, sportstar.ge, adjarasport.com, mysports.ge, geosports.ge, გაზეთილელოდასპორტულიჟურნალიათიანი“.

სპორტულისააგენტო SBM-ისპრესსამსახური / sbm.ge

0.11593