“დორტმუნდის” ერთ-ერთი ლიდერი მარკო როისი ტრავმის გამო, ოთხი კვირის განმალობაში ვერ ითამაშებს. აღნიშნული ინფორმაცია გერმანული კლუბის ოფიციალურმა ვებგვერდმა დაადასტურა.

27 წლის ფეხბურთელი შაბათს “ლევერკუზენთან” მოგებული (6:2) შეხვედრის 43-ე წუთზე დაშავდა და თამაშის გაგრძელება ვეღარ მოახერხა. სამედიცინო გამოკვლევამ დაადგინა, რომ მარკოს ბარძაყი აქვს დაზიანებული და დასვენება აპრილის პირველ რიცხვებამდე მოუწევს.

შეგახსენებთ, რომ როისმა მიმდინარე სეზონში 15 შეხვედრა ჩაატარა, 6 გოლი გაიტანა და 7 საგოლე გადაცემა გააკეთა.