თბილისის "დინამოს" აწ უკვე ყოფილი შემტევი ნახევარმცველი საბა ლობჟანიძე კარიერას საქართველოს მოქმედ ჩემპიონ "სამტრედიაში" გააგრძელებს. WORLDSPORT.GE-ს ინფორმაციით, 22 წლის ფეხბურთელი იმერულ გუნდში მიმდინარე წლის ივნისამდე დარჩება. სხვა დეტალები უახლოეს ხანებში გახდება ცნობილი.
საბა ლობჟანიძე "დინამოს" იანვარში საჩხერის "ჩიხურადან" დაუბრუნდა, რომელშიც გარდამავალი ჩემპიონატი მაღალ დონეზე ჩაატარა. შემდგომ კი იყო თურქეთის შეკრება, საიდანაც ლობჟანიძე კონტრაქტის პირობებზე ვერშეთანხმების გამო "დინამომ" დუბლებში გადასვლით დააჯარიმა.
როგორც ჩანს, მხარეებმა აღნიშნული ჩიხიდან გამოსავალი იპოვეს და ნიჭიერი შემტევი ახალ სეზონს საქართველოს მოქმედ ჩემპიონში დაიწყებს.
აღნიშნული ინფორმაცია არ დაადასტურა "დინამომ". როგორც რომან ფიფიას მრჩეველმა, ლევან სალუქვაძემ განაცხადა, ლობჟანიძე "დინამოს" რიგებში რჩება:
"ამ ინფორმაციას არ ვადასტურებთ. ლობჟანიძე რჩება "დინამოში" და ისევ ჩვენთან აგრძელებს ვარჯიშს", - თქვა სალუქვაძემ.
