პოლ პოგბა ყურადღების ცენტრში მარტო საფეხბურთო მოედნებზე არაა. ბრიტანული გამოცემა შუნ-ის ინფორმაციით, 23 წლის ფრანგმა მანჩესტერში მდებარე ინდურ რესტორან Akbars-ში მეგობრებთან ვახშმის დროს, ლამის სცემეს.
საქმე ისაა, რომ პოგბას რესტორანში მყოფმა ახალგაზრდა ბიჭებმა ავტოგრაფი სთხოვეს, რაზეც უარი მიიღეს – “მანჩესტერის” ნახევარმცველის უარყოფითმა პასუხმა კი, მათი გაღიზიანება გამოიწვია და საქმე ლამის ხელჩართულ ჩხუბამდე მივიდა.
თუმცა, წყაროს ცნობით, საქმეში რესტორანის დაცვა ჩაერია, ამასთან პოლიციაც იქნა გამოძახებული, მაგრამ პოგბას ავტოგრაფის მსურველნი ზემოხსნებული ადგილიდან მალევე წავიდნენ.
როგორც ცნობილი გახდა, ინციდენტის მონაწილენის მიმართ სადამსჯელო ქმედებები არ გატარებულა.
