ლევან მჭედლიძეს ზურგი კვლავ აწუხებს და შესაძლოა, "იუვენტუსთან" 25 თებერვალს გასამართი მატჩიც გაუცდეს. მჭედლიძეს "ინტერთან" და "ლაციოსთან" არ უთამაშია. Tuttosport-ის ინფორმაციით, ქართველი ჯერ ვერ ვარჯიშობს.

მჭედლიძე საუკეთესო სეზონს ატარებს სერია ა-ში. მას 12 მატჩში 5 გოლი აქვს გატანილი. ისე, სერია ა-ში თავისი პირველი გოლი სწორედ "იუვეს" გაუტანა, თუმცა მას შემდეგ დიდი დრო გავიდა. საუბარია 2008 წელს გამართულ "იუვენტუსი"-"პალერმოს" შეხვედრაზე.