უეფას ოფიციალურმა ვებგვერდმა ევროპა ლიგის თამაშების შემდეგ, ტრადიციულად, კვირა შეაჯამა და ტურის სიმბოლური ნაკრები გამოაქვეყნა. 2017 წლის პირველ სიმბოლურში ყველაზე მეტი, ორი წარმომადგენელი ლიონის “ოლიმპიკს” ჰყავს – ალექსანდრ ლაკაზეტი და ლიუკა ტუსარი.

აღსანიშნავია, რომ სიმბოლურს მიღმა დარჩა “ბეშიქთაშის” ნახევარმცველი ჯენქ თოსუნი, რომელიც იმავე უეფას ვებგვერდზე მიმდინარე გამოკითხვის შედეგად, ტურის საუკეთესო ფეხბურთელად დასახელდა.

პირველი 1/16-ფინალური მატჩების სიმბოლური ნაკრები კი შემდეგნაირია:

მეკარე: ანდრე ონანა (“აიაქსი”)

მცველები: ტომოფეი კალაჩოვი (“როსტოვი”), ნუმან ჩურუქსუ (“ოსმანლისფორი”), ბენედიქტ ჰიოვედესი (“შალკე”)

ნახევარმცველები: ლიუკა ტუსარი (“ლიონი”), ფედერიკო ბერნარდესკი (“ფიორენტინა”), დანიელ მილიჩევიჩი (“გენტი”), ფრენკ აჩეამპონგი (“ანდერლეხტი”)

თავდამსხმელები: ედინ ჯეკო (“რომა”), ზლატან იბრაჰიმოვიჩი (“მანჩესტერი”), ალექსანდრ ლაკაზეტი (“ლიონი”)