უკრაინული "ოლექსანდრიას" მწვრთნელმა ვლადიმირ შარანმა გუნდის პოტენციურ ახალწვეულზე, 23 წლის ვახტანგ ჭანტურიშვილზე ისაუბრა. შეგახსენებთ, ქართველი ნახევარმცველი შეკრებაზე ახლავს "ოლექსანდრიას" და ერთ ტესტ-მატჩში ითამაშა: სლოვენიის "მარიბორთან" (1:1) სასტარტოში იყო.
"ქართველ ლეგიონერს პოტენციალი აქვს, მაგრამ ფიზიკურად ჯერ არ არის მზად. შეკრების ბოლომდე დავაკვირდებით და მერე მივიღებთ გადაწყვეტილებას".
შეგახსენებთ, ჭანტურიშვილი "ზესტაფონსა" და თბილისის "დინამოში" თამაშობდა.
